Музей знаходзіцца на тэрыторыі адной з найстарэйшых піваварных заводаў Беларусі – «Аліварыя», заснаваным у 1864 годзе. Экспазіцыя музея расказвае пра больш чым 150-гадовую гісторыю піваварства ў Беларусі, прадстаўляе старадаўняе абсталяванне, фатаграфіі і дакументы, звязаныя з вытворчасцю піва.
Першапачаткова завод быў заснаваны мінскай мяшчанкай Рохляй Фрумкінай, якая ў 1864 годзе падала прашэнне імператару з просьбай пабудаваць драўляны дом «з уладкаваннем у ім піваварнага завода». Амаль 20 гадоў яна займалася вытворчасцю піва, але пасля яе смерці яе сынамм не ўдалося працягнуць сямейную справу, і завод быў выстаўлены на аўкцыён.
У 1893 годзе піваварню набыў мінскі гарадскі галава Кароль Ян Чапскі – чалавек прагрэсіўны і новатарскі. Пры ім завод хутка пашырыўся і мадэрнізаваўся. Ён атрымаў назву «Паравы піваварны завод „Багемія“ графа Чапскага». Аднак з-за праблем са здароў’ем Чапскі быў вымушаны прадаць прадпрыемства.
У 1899 годзе завод набывае сям’я Лекерт з Баварыі. Немцы арганізавалі вытворчасць з педантычнасцю. Завод хутка разрасся, і яго прадукцыя пастаўлялася ў Беласток, Вільню, Брэст, Гродна і Бабруйск. Аднак у 1918 годзе ён быў нацыяналізаваны і перайменаваны ў «Беларусь».
Экскурсія па музеі
Экспазіцыя музея ўключае ў сябе старадаўнія прыстасаванні і посуд для піваварства. Наведвальнікі могуць убачыць:
- Старадаўнія піўныя катлы і апаратуру для варкі піва;
- Гістарычныя дакументы і фатаграфіі;
- Старадаўнія этыкеткі і рэкламныя матэрыялы піва.
Асобнай часткай музея з’яўляецца Акадэмія піва. Тут можна:
- Навучыцца дэгуставаць піва па ўсіх правілах;
- Даведацца, як правільна падаваць гэты напой;
- Разабрацца ў асаблівасцях розных гатункаў піва;
Пасля тэарэтычнай часткі пачынаецца самае цікавае – госці музея самастойна вараць піва па старадаўняй тэхналогіі. Фінальнай часткай экскурсіі з’яўляецца дэгустацыя піва. Наведвальнікам раскажуць, як ацаніць якасць напою па бурбалках і пяньцы, а таксама навучаць правільна яго дэгуставаць.
Пасля праходжання курса кожны госць атрымлівае сертыфікат Акадэміі піва «Аліварыя», які сведчыць аб авалоданні асноўнымі навыкамі піваварства.
Гэта месца, дзе гісторыя, традыцыі і сучаснасць сплятаюцца ў адно. І не важна, ці з’яўляецеся вы аматарам піва, ці проста цікавіцесь гісторыей беларускай вытворчасці, музей «Аліварыя» стане для вас незабыўным і захапляльным адкрыццём.
📍 Адрас: г. Мінск, вул. Кісялёва, 30
🕐 Графік працы:
Экскурсіі праводзяцца са серады па нядзелю
Час: 16:00 – 17:30 і 18:00 – 19:30
Папярэдні запіс (не менш, чым за суткі да наведвання)
📞 Запіс на экскурсію:
- +375 29 500 17 55
- +375 29 500 17 60
- +375 17 239 58 05
📧 Email:museum@alivaria.by